Para Kang Panaginip sa Aking Pangungulila (2007)

Bakasyon mula sa kolehiyo at ako ay may nakilalang babae. Noong panahon na yun ay nabigo ako sa isang babae na aking nililigawan at nagkataon na nakilala ko siya at napawi niya agad ang aking pangungulila. Nang kanyang nalaman na ako'y isang manunula ay nagpagawa siya sa akin ng isang tula tungkol sa amin. Subalit sa bandang huli ay hindi naging maganda ang bunga ng aming relasyon at ito ang kinahinatnan...

Para Kang Isang Panaginip sa Aking Pangungulila (2007)

para kang
Isang panaginip sa aking pangungulila...

pansamantalang ligaya
walang katulad na saya
isang mahinhin kong dalangin
sa aking pagiisa

hindi ko na inisip
Maski hindi ka angkin,
ayos lang basta't mapunan ko lang

ang pagkukulang na nagpapahirap sa akin...

sa iyong paghinga, ako'y humihimbing
Oras man ay lumipas, hindi ko pinapansin
sa mundong iyong nilikha
walang ibang mahalaga

kundi ang oras na ating binibigay sa isa't-isa...

mga blanko kong pagsuyo
at pagabot sa iyong mga luho
pagmamahal kong di alintana
bawat oras, bawat pagkakataon

pagmamahalang di naisulat sa panahon...

pagmamahalang ni minsan di ko itinuring
Na bahagi ng aking kahapon...

paalam...